A editorial La Calesa facilita este caderno con distintas actividades de repaso para 3º. Inclúe unha variedade de exercicios de ortografía, comprensión lectora, expresión escrita e matemáticas.
Xa sabedes que o material que poñemos á vosa disposición é un recurso que vos ofrecemos para seguir a rutina escolar e non perder o hábito lectoescritor, de cálculo, de estudo... Pero claro está, que non todas as situacións familiares son iguais. Por un lado non todos tedes acceso a impresora, ordenador, etc. E por outro non todos os pais tedes o mesmo tempo para adicar ás tarefas cos nenos; xa que algúns traballades ou tedes outras obrigas sobrevidas con esta situación. O certo é que as condicións non son as de antes do confinamento e por tanto a esixencia escolar non pode ser igual que no colexio, porque non todos teñen as memas condicións nas súas casas. Por iso recordamos que a proposta de actividades como esta é flexible. Tratando de respectar a realización diaria de tarefas escolares.
No caso concreto deste caderno, non tedes que facelo todo. Ide escollendo actividades das distintas categorías e completándoas.
A idea de facilitar un caderno extenso é para permitir que os que traballan a bo ritmo teñan actividades dispoñibles, pero non implica que os que traballan máis lentamente deben pasar horas infinitas ata facelo todo. Non buscamos sobrecargar ás familias.
Accede ao caderno de repaso de 3º La Calesa.
No hay comentarios.:
Publicar un comentario