AVISO SOBRE AULA VIRTUAL DE MÚSICA

Deixámosvos estes aviso que a profesora de Música, Ana, nos pide que transmitamos.


Esta é a carta onde vos convida a entrar e onde vos explica como. Clica AQUÍ

PLANIFICACIÓN DA SEMANA 27 A 30 DE ABRIL

DEIXÁMOSVOS UNHA PROPOSTA DE TRABALLO PARA ESTA SEMANA. SÓ PRECISAN UN CADERNO, NON TERÍAN QUE IMPRIMIR NADA.

OBSERVADE QUE EN ALGÚN DÍA HAI TAREFA PARA ENTREGAR (FOTO POR CORREO)

GRAZAS E BOA SEMANA

PLANIFICACIÓN PARA ESTA SEMANA


AVISO:   TEDES PROPOSTA DE TRABALLO DE MÚSICA NA AULA VIRTUAL

RETO ARTÍSTICO

O pasado 15 de abril foi o día Mundial da arte. E entre todos os profes do cole fixemos este video para conmemoralo. Esperamos que vos guste.

PORTOFARO CON ARTE

Coñeciades todos estes cadros? Gustouvos?

Agora é o voso turno. É fácil. Animámosvos a que participedes neste reto que lanza o colexio para todas as familias.

Ola familias!

Aquí vos deixamos outra idea de entretemento educativa e creativa que pensamos lles pode gustar aos nenos e nenas (e se cadra tamén a maiores). Invitámosvos a que, se queredes, participedes con nós nesta actividade sen prazo, nin límite de tempo. 

Consiste básicamente en recrear unha obra de arte pictórica, escultórica, fotográfica... cos medios e recursos que teñamos a man. Como vedes na nosa, participan maiores, nenos e nenas, mascotas , o que se queira. 

Unha vez recreada , sacades a foto e a colocades nun documento novo xunto á orixinal e volvedes a gardar para mandala como unha soa foto que teredes que enviarnos a museoarte@ceipportofaro.com. 

A medida que vaian chegando as iremos colocando, co voso permiso, nun espazo público para que se poida ver como vai quedando. Esperamos que vos guste a idea e que , quen lle apeteza participe coa súa "recreación de arte en Portofaro"

A PARTICIPAAAARR!!

Solucionario de "Repaso semana 20-24 abril"

Ola a todos.

Deixámosvos o solucionario das tarefas do arquivo "Tarefas semana 20-24 abril". Podedes revisar, para facer autocorrección e ver posibles erros. Ainda que seguro teredes todo ben.
As tarefas de inventar un conto e describir (está marcado no solucionario) enviádenolas ás profesoras.
Deixamos o solucionario tamén na entrada onde puxemos as tarefas o luns.

Solucionario

Estarricamos as pernas coas táboas de multiplicar

Estarricamos as pernas coas táboas de multiplicar: Con esta actividade pretendemos que fagades un pouquiño de exercicio matemático. Imos xogar coas táboas de multiplicar e con esta  aplicación  que vimos en aulasgalegas.org

Acceso directo ás indicacións

Acceso ao xogo: Esta actividade de Olga Patiño Abeixón (está baseada na proposta de Rosa Martínez, tal e como aparece reflectido na aplicación Scratch) Se picas no nome desta mestra terás o enlace aos xogos. 

ANÍMATE, TÍ PODES SER O/A  PICHICHI DESTA LIGA. 

TAREFAS CON SNAPPET NA CASA

Ola a todos.

Xa tedes dispoñibles nos vosos correos as claves de acceso persoais para traballar con snappet na casa.

A utilización da plataforma non ten ningún custo. O acceso é gratuito. E permitiranos aos profes facer un seguemento online das actividades que os nenos fagan.

Os profesores iremos poñendo tarefas para que poidades facer desde a plataforma.
Tedes que entrar en https://alumno.snappet.org/login?1587382326890=   e introducir as claves que vos facilitamos no correo electrónico. O alumno/a xa terá algunhas leccións accesibles. E iremos disponibilizando máis a medida que as vaian facendo.


Para calquera dúbida xa sabedes como contactarnos.

TAREFAS SEMANA 20 A 24 DE ABRIL

Ola rapaces e rapazas

Outra vez vos deixamos unhas poucas tarefas para esta semana.
Ademais esta semana comezamos a traballar con snappet. De maneira que será máis fácil que fagades as tarefas e nós vaiamos vendo o que facedes. Así que estas que vos deixamos aquí son para ir facendo sen agobios, porque algo hai que escribir. Non vai ser todo tablet.
Son unhas poucas tarefas máis que as da semana  pasada, para que os que van a ritmo lixeiro teñan traballo. E ainda que é bo que as vaiades facendo, tampouco é cuestión de agobiarse por rematar todo ou seguir a pauta dos días que marcamos. Trátase de traballar todos os días algo, pero a organización é libre.

TAREFA SEMANA 20-24 ABRIL 

REPASO ONLINE TEMA DIVISIÓN

REPASO ONLINE TEMA O CORPO

Solucionario para autocorrección de "Tarefas semana 20-24 abril"

ACURTANDO DISTANCIAS

DESEXAMOS VERVOS MOI PRONTO EN PERSOA!

Recurso para non imprimir

Ola familias

Queremos achegarvos un recurso que quizáis xa coñezades. Trátase dun editor online de pdf.
Permítevos subir a esta páxina un arquivo pdf e convérteo en arquivo editable. Poderedes escribir ou incluir imaxes, etc nese documento.

Este recurso pode servos útil se non podedes imprimir e non queredes que os nenos pasen tanto tempo copiando os exercicios (ainda que non deben deixar de practicar a escrita á man).

Hai deferentes editores online de pdf (podedes buscar en internet), nós deixámosvos este como exemplo. É bastante fácil de usar. Non necesita rexistrarse. Só entrar e subir o arquivo que queiras usar, e gardar os cambios para xerar un novo pdf. Trátase de  https://www.sejda.com/es/pdf-editor


Unhas pequenas indicacións, por se alguén precisa.

1. Entrar en https://www.sejda.com/es/pdf-editor

2. Clicar en "Subir archivo pdf" e subir o arquivo co que queiras traballar.

3.- Automaticamente abre un arquivo editable. Xa podes modificalo.
Para escribir as respostas tedes que asegurarvos de que está clicado o recadro texto (Text)  que aparece na parte superior da pantalla nunha barra branca e azul. Con recadro "Text" marcado en azul xa podedes clicar en calquera parte do documento e empezar a escribir.

Todo o que fagades podedes desfacelo marcando na barra superior "More", desprégase unha pestaña e clicades "Undo" desfacer. Seleccionades que acción queredes desfacer e clicades "revert selected" (revertir, desfacer o seleccionado).

Podedes engadir unha páxina en branco para escribir ou pegar unha imaxe clicando en "insert page here".

4..- Cando rematedes de escribir ou completar todo o que queirades podedes gardar o arquivo dando á pestana "Aplicar cambios" que aparece en verde no fondo da páxina.
Crea un novo pdf  que inclúe os vosos cambios. Este novo  arquivo  podedes gardarlo  (clicar en "download") enviarlo  ou imprimirlo.

Espero  non telo liado moito 😊

AS NOSAS VIAXES IMAXINARIAS

AS NOSAS VIAXES de maria luisa mosquera

IMOS DE VIAXE

IMOS  DE VIAXE...

XA NOS DERON AS NOTAS, E DESPOIS DESTE CAÓTICO  TRIMESTRE BEN MERECEMOS UNHA VIAXE.
IMOS ALÁ???

UPPS!!!! VAI SER QUE NON!!!! SOMOS XENTE DE SENTIDIÑO E IMOS QUEDAR NA CASA.



AGORA BEN, A IMAXINACIÓN SEGUÍMOLA TENDO, NON??


POIS  TEMOS UNHA PROPOSTA PARA TÍ. PREME AQUÍ

Só para alumnado de Relixión. Tarefas de Relixión Católica

Aquí vos deixamos as tarefas que a profesora de Relixión Católica  pediu que vos fixésemos chegar. Estas son as indicacións:

Poñer no buscador de Google "actividades religion Anaya 3º" (xa saben os nenos, porque o fan cando van coa profesora á aula de informática) ou entrar en https://relijuanjo.blogspot.com/2012/04/recursos-interactivos-editorial-anaya.html  e cliclar en 3º. Das dúas maneiras se accede ao mesmo material. 

A proposta é facer 2 unidades por semana, comenzando pola unidade 1. 

Para os que teñades dúbidas podedes poñervos en contacto coa profesora  de Relixión a través do correo que vos enviamos ao voso correo electrónico. 

Saúdos 

CADERNO DE CREATIVIDADE

Unha compañeira colgou en AULAS GALEGAS un caderniño moi interesante para que o alumnado

se entreteña e desenvolva a súa creatividade. Sería un recordo moi bonito para cando todo esto pase.

Animámosvos a que o fagades.

CADERNOCREATIVIDADE-EUQUEDONACASA

SEMANA 14 A 17 DE ABRIL

BOA SEMANA FAMILIAS.

VOLTAMOS A DEIXARVOS UNS TRABALLIÑOS PARA OS PEQUES. DE MOMENTO,

SIGUEN A SER UN POUCO DE REPASO.

AGRADECEMOS MOITO A VOSA COLABORACIÓN,  SE TEDES ALGUNHA DIFICULTADE

E PODEMOS AXUDAR, XA SABEDES QUE ESTAMOS PARA ISO. AGRADECEMOS TAMÉN

CALQUERA SUXERENCIA QUE SE VOS OCORRA.

UN SAÚDO E MOITO ÁNIMO

PROPOSTA DE TRABALLO


Nota aclaratoria:

Nesta proposta de traballo que vos deixamos, hai un enlace (repaso de lengua do día 1 e do día 3)  que dá paso a unha web con tarefas de Anaya de repaso de Lengua. Para os que accededes desde un dispositivo distinto ao ordenador, p.e móbil ou tablet Android, seguramente non vos abrirán as páxinas e indicará non compatible ou algo así.  Neste caso deixamos aquí os arquivos  pdf correspondentes aos repasos ao que daría acceso ese enlace. Non será interactivo pero o contido é o mesmo.

  http://www.ceipjuanherreraalcausa.es/Recursosdidacticos/TERCERO/datos/02_Lengua/datos/rdi/menu_general.htm  este enlace ao repaso de  lengua de Anaya,  que accede a unha web que  desde o móbil non abre, correspondería co que incluímos nos seguintes  arquivos pdf:
 Temas 2 e 3 

Temas 4 e 5 

UNHAS LECTURAS NO DÍA INTERNACIONAL DO LIBRO INFANTIL E XUVENIL

O 2 de abril (data do nacemento de Hans Christian Andersen)  conmemórase o día internacional do libro infantil e xuvenil. Así que non hai disculpa para non ler algo. E se non é hoxe pode ser calquera día.
Aquí vos deixamos uns  exemplos de libros que as editoriais disponibilizan na rede gratuitamente con motivo da corentena que estamos vivindo.

Así que, ánimo e a ler un pouco. Esperamos que vos agraden.


Feliz Feroz. O lobiño riquiño (Ed. Xerais) Este xa volo recomendamos nunhas das tarefas que vos enviamos. É divertido e sinxelo de ler.  Preme aquí. 

Caperucita de Colores (Ed. Bruño). Preme aquí (Este é moi curtiño, para empezar a animarse)

Lola Pimienta y el secuestrador de perros. (Ed. Bruño) Preme aquí

Cuentos cortos de animales en peligro (E. Bruño).Para ir lendo un conto cada día. Preme aquí


E se queredes máis sobre o día do libro infantil visitade esta páxina das Bibliotecas escolares de Galicia

O SABEDOIRO. Novo espazo educativo na TVG2

Un novo recurso para todos e especialmente para os que a TV lles resulta máis accesible que a información a través da rede.
Máis información sobre o recurso no enlace de abaixo. Esperamos que vos sexa útil e vos guste. Ademáis axudaravos a refrescar o galego.

Premede aquí para máis información.

MÚSICA INFANTIL EN GALEGO

Os que sodes seguidores do Xabarín Club xa coñeceredes a maioría das cancións. Para os demais esta é unha boa oportunidade. Oír música sempre nos anima, así que vos deixamos un enlace onde podedes escoller entre a variedade de cancións que vos propón o Xabarín. Algunhas ben marchosas e entretídas. Que vos divirtades!!!

Premede aquí