Rematou o curso. E queremos felicitarvos a todos por chegar ata aquí con ánimos. Alumnado e familias. Por iso vos deixamos esa pequena homenaxe en forma de postal.
Este curso que acaba recordarémolo todos por distintas cousas, entre elas por ser un curso atípico e cheo de incertezas. Pero parécenos que debemos saber verlle tamén algunha cousa boa. E unha delas, e moi importante, é a capacidade de adaptación. E vós soubestes sobrepoñervos e adaptarvos á nova situación. Sodes uns CAMPIÓNS E CAMPIONAS.
Esperamos volver a vernos en setembro cheos de enerxía e positividade, con moitas gañas para enfrentarnos a outro curso e ás novidades que nos depare.
Mentres, descansade, divertídevos e gozade do verán nas grandes e nas pequenas cousas de cada día. E dedicade tamén un pouco de tempo aos retos que aquí vos propoñemos. E que vos axudarán a chegar a setembro máis capaces.
MOI BO VERÁN A TODOS.
No documento que que aparece AQUÍ deixámosvos a nosa proposta para verán.
O BOLETÍN COAS NOTAS RECIBIRÉDELO POR ABALAR MÓBIL AO LONGO DO DÍA DE HOXE. Como na 2º avaliación.
SEN NADA DEFINITIVO RESPECTO AO CURSO 2020-21, SE O HAI ANTES DE SETEMBRO COMUNICARASE NA WEB DO CENTRO E POR ABALAR MÓBIL.
GRAZAS E BO VERÁN. COIDÁDEVOS.
